MOTOR RACING: F1 Rookie Lindblad Naningkamot sa Kaugalingong Dalan Paingon sa Kinatumyan

Gihimo sa bugtong rookie sa Formula One nga si Arvid Lindblad si Max Verstappen isip sukdanan, apan gusto sa 19-anyos nga mosubay sa iyang kaugalingong dalan paingon sa kinatumyan.

Gisultihan sa Briton, kinsa anaa sa iyang unang season sa Racing Bulls nga sister team sa Red Bull, ang Reuters atol sa Azerbaijan Grand Prix nga naglaom siyang sa umaabot makab-ot usab ang nahimo sa upat ka higayon nga Dutch world champion.

“In the end we all have our own paths. So, I’m not going to say that because I like Max, I want to follow exactly what he did because I want to do what’s best for myself,” matod niya.

“I’m focused on myself, I’m learning and when I’m ready and the time comes, of course I want to step up to the top team and I want to achieve great things like he has. But I wouldn’t put a timeline on it. I’m not in a rush.”

PASPAS NGA PAGSULOD SA FORMULA ONE

Paspas gihapon ang pagsaka ni Lindblad sa kalibotan sa motor racing alang sa usa ka tawo nga miingon nga wala siya nagdali.

Natawo niadtong 2007, nagsugod siya sa kompetitibong karting niadtong 2015 – sa samang tuig nga unang miduwa si Verstappen sa F1 sa edad nga 17 uban sa samang team nga nakabase sa Faenza ug nailhan niadtong panahona isip Toro Rosso.

Mibalhin siya ngadto sa single-seater racing niadtong 2022 pinaagi sa Formula Four nga mga sakyanan, ug misaka gikan sa F3 niadtong 2024 ngadto sa F2 niadtong 2025 ug Formula One karong tuiga.

Gihatagan siya og super-license sa edad nga 17 isip eksepsiyon sa usa ka lagda nga unang gipaila isip tubag sa sayong pagsulod ni Verstappen sa F1.

Giila isip usa sa labing gilaomang batan-ong drayber sa Red Bull, ug napamatud-an niya nga takos ang pagsalig nga gihatag kaniya sa tiggama sa energy drink.

Adunay mga sayop, ilabina ang iyang mga pagkabangga atol sa practice sa bag-ong Madring track sa Spain ug sa Baku city circuit sa duha ka sunod nga weekend, ingon man ang iyang pagkabangga sa kauban sa team nga si Liam Lawson atol sa pagsugod pag-usab sa lumba human sa safety car sa Azerbaijan.

Apan lig-on ang dagan sa season ni Lindblad, diin nakakuha siya og puntos sa siyam sa kataposang 10 ka lumba.

“I’ve obviously been very lucky to have a fast car,” matod niya. “But also at the same time I’m going to give myself credit, you know? “I’m a rookie. It’s been a big step up this year, very new cars, very new engines, so a lot for me to learn but I feel like I’ve been dealing with it well, learning every weekend.”

Mibalhin si Verstappen ngadto sa main Red Bull team lima ka lumba human magsugod ang iyang ikaduhang season ug midaog sa iyang unang lumba alang niini.

Sa pagkakaron, murag dili pa posible ang susamang pagbalhin alang kang Lindblad human gipahibalo sa Red Bull sa miaging semana ang pagpalugway sa kontrata ni Isack Hadjar, kinsa nakatungtong sa podium sa Baku, nga magpabilin kaniya isip kauban ni Verstappen sa team sa 2027.

Wala pa gikompirmar sa Racing Bulls ang ilang mga drayber, apan gilauman nga ipabilin niini si Lindblad.

Natawo sa UK nga adunay Swedish nga amahan ug inahan nga Indian ang kagikan ug adunay Punjabi nga kaliwat, naglumba siya ubos sa British license apan adunay tulo ka bandila sa iyang helmet – ang Union Jack, Swedish flag ug Indian tricolour – isip pag-ila sa iyang nagkalainlaing kagikan.

Mapasigarbohon siya sa iyang kagikan ug nahibalo sa atensiyon nga iyang nadawat isip usa ka ehemplo sa uban, apan ang iyang gitutokan karon mao ang padayon nga pagpalambo sa iyang abilidad.

“There’s still so many things for me to learn, even things for me to learn about the world,” matod niya.

“I know that as an athlete in a very global sport like F1, we have a platform and it’s very important we use that for good things and we promote good values. i want to do that when the time is right and also when I’ve got the knowledge that I can do that in a good way.” -Ato ni Bai