Mbappe mipirma sa On human mobiya sa Nike

Mitapos si French soccer star Kylian Mbappe sa iyang duha ka dekada nga partnership sa Nike ug mipirma sa Swiss sportswear brand nga On, laing dagkong kapildihan alang sa American brand samtang nagkadako ang bahin sa bag-ong mga karibal sa athletic footwear market.

Plano sa On nga ilunsad ang una nitong football boots sa 2027 ug gitudlo usab niini si kanhi French player Thierry Henry isip director of football. Misaka og 5% ang US-listed shares sa On sa premarket trading.

Nagtinguha ang kompanya, nga gisuportahan ni Roger Federer, nga mapalapad ang negosyo niini sa Americas, nga naghatag og kapin sa katunga sa revenue niini. Gipunting sa On ang full-price sales, apan naglisod kini sa rehiyon karong tuiga tungod sa dili makanunayong paggasto sa mga konsumidor.

Ang pagbalhin ni Mbappé ngadto sa On nagtapos sa iyang relasyon sa Nike nga nagsugod pa niadtong 2006, ug nahitabo human nawala usab sa Nike ngadto sa Adidas si Lamine Yamal sa Spain, nga bag-ohay lang midaog sa World Cup.

"We are proud of what we achieved together on and off the pitch. As he moves into the next phase of his career, we wish him continued success for what comes next," matod sa Nike sa lahi nga pahayag.

Mas nagsalig ang Nike kang Mbappé isip usa sa mga nag-unang global ambassadors niini sa football sa ulahing bahin sa career ni soccer star Cristiano Ronaldo.

Nagpabiling usa sa mga nag-unang personalidad si Mbappé sa football marketing sa Nike atol sa FIFA World Cup karong tuiga, ug bag-ohay lang nakadawat og signature editions sa Mercurial boots niini.

"Once again it (football) has led me to one of the biggest changes in my life. Now, I find myself surrounded by innovators who dream of the same things I do," matod ni Mbappé sa iyang social media accounts.

-Ato ni Bai