Liam Lawson, mopuli pag-usab sa naangol nga si Hadjar sa Madrid

Mopuli pag-usab si Liam Lawson kang Isack Hadjar ug makigpares kang Red Bull star Max Verstappen sa Spanish Grand Prix karong weekend tungod kay wala pa hingpit nga naayo sa wrist injury si Hadjar.

Naangol si Hadjar samtang nag-training atol sa summer break. Mipuli kaniya si Lawson ug nahuman sa ikapitong pwesto sa Dutch Grand Prix ug ika-14 sa Italian Grand Prix. Samtang, nahuman si Yuki Tsunoda sa ika-11 ug ika-10 nga pwesto samtang mipuli kang Lawson sa Racing Bulls.

Magpadayon si Lawson sa pagpuli kang Hadjar alang sa lumba karong weekend sa bag-ong Madring circuit sa Madrid.

“After racing for the team in Zandvoort and Monza, Liam will continue to drive alongside Max at this week’s Spanish Grand Prix in Madrid,” matod sa Red Bull sa usa ka pahayag niadtong Lunes. “The decision has been taken as Isack’s recovery continues to progress positively. While he is not yet ready to return to the cockpit, he will be in Madrid supporting the team.”

“Everyone at Oracle Red Bull Racing looks forward to welcoming Isack back behind the wheel very soon.”

Human sa Madrid, ang sunod nga lumba sa Formula 1 mao ang Azerbaijan Grand Prix sa Setyembre 26. -Ato ni Bai