GOLF: Michael La Sasso, Apil sa Lima ka LIV Golf Players nga Mosulay sa DP World Tour Q School

Naningkamot si Michael La Sasso ug upat pa ka players gikan sa LIV Golf nga maka-qualify sa DP World Tour taliwala sa dili klarong kaugmaon sa LIV Golf.

Si La Sasso, 22, nga midaog sa season-ending LIV Golf Indianapolis title sa miaging bulan, moapil sa Qualifying School sa maong tour kauban ang mga Amerikano nga si Peter Uihlein, ang mga Espanyol nga sila Josele Ballester ug Luis Masaveu, ug ang Hapon nga si Yosuke Asaji.

Moapil sila La Sasso ug Asaji gikan Setyembre 8 hangtod 11 sa Seddiner See Golf and Country Club sa Michendorf, Germany, usa sa 10 ka first-stage sites sa Q School.

Nakaapil sila Uihlein, Ballester ug Masaveu sa qualifier sa Huddersfield Golf Club sa Huddersfield, England, nga magsugod sa Miyerkules ug molungtad hangtod Sabado.

Mibiya si La Sasso sa Ole Miss tunga-tunga sa iyang senior year niadtong Enero 2026 aron mopirma sa HyFlyers GC ni Phil Mickelson. Wala siya makatapos nga mas taas sa T12 sa unang 11 ka tournaments sa LIV season sa wala pa siya midaog sa Indianapolis.

Sukad nawad-an sa pinansyal nga suporta gikan sa Saudi Arabia’s Public Investment Fund, nangita ang LIV Golf og pondo aron maglunsad og mas gamay nga bersyon sa liga nga gitawag og “LIV 2.0” sa 2027. Gitaho sa Financial Times niadtong Lunes nga posibleng sa dili madugay mo-file ang liga og bankruptcy protection. -Ato ni Bai