Gold Hopeful Eumir Marcial Miatras sa Asian Games Tungod sa Kakulang sa Oras

Maayong balita: Nakuha ni Eumir Marcial ang paspas nga paghuman sa iyang duwa nga iyang gikinahanglan aron unta makaapas sa flight paingon sa Asian Games sa Japan.

Daotang balita: Dili siya mosakay sa maong flight.

Nakadaog pinaagi sa third-round knockout ang Olympic bronze medalist batok kang Mexican-American Omar Ulises Huerta sa middleweight bout sa San Diego, California niadtong Domingo.

“I spoke to Eumir right after winning his professional fight earlier. After carefully considering the situation, Eumir and I agreed that it would be better to skip the Asian Games,” matod ni Association of Boxing Alliances in the Philippines (ABAP) president Marcus Manalo sa usa ka text message ngadto sa media pipila ka oras human sa professional return bout ni Marcial sa Pechanga Arena, diin iyang gikutlo ang taas nga biyahe paingon sa Nagoya ug mubo nga panahon sa pagpangandam.

Natapos ang duwa sa 1:54 mark sa Round 3 sa dihang natumba si Huerta sa unang higayon sa iyang career.

Tungod kay wala pa hingpit makabawi gikan sa right hook ni Marcial, wala makaapas si Huerta sa 10-count, hinungdan nga gihunong sa referee ang bout.

“I’ve been waiting for that punch to counter it because in the second round, he got me with a couple of shots, so I said, I need to watch this punch and then counter. So that’s what I did, and then that’s the outcome,” matod ni Marcial sa usa ka interview sa FightHype.

Naghatag og gamay nga paglaum sa mga Pilipino ang knockout nga makaapil gihapon si Marcial sa Asian Games.

Apan giisip sa ABAP nga mubo ra kaayo ang tulo ka adlaw aron makabalhin siya gikan sa iyang professional bout ngadto sa mas lisod nga Olympic-style boxing sa Asian Games.

Tungod kay walay direct flight gikan sa San Diego paingon sa Nagoya, kinahanglan mosakay si Marcial og 15-hour connecting flight, nga dakong makapakunhod sa iyang oras sa training.

“It would be very hard for him to immediately transition from a professional fight in the US into long-distance travel to Nagoya with a 16-hour time difference, and then into another high-level boxing competition with such a short recovery period. Boxing is a physically demanding and inherently risky sport, and adequate time to rest and recover is extremely important, and we do not want to compromise Eumir’s health and safety because of the tight timeline,” matod ni Manalo.

Sa laing interview uban sa United States-based sports photographer nga si Jhay Otamias, miingon ang 30-anyos nga si Marcial nga andam gihapon siya nga makaapas sa flight.

“Ready pa ako. Three rounds lang ‘yun, so parang lumaban lang ako sa amateur. I think ready pa naman ‘yung katawan ko,” matod ni Marcial.

Gikumpirma ni Manalo nga andam si Marcial, ug miingon nga siya “very much looking forward to the opportunity to represent the flag once again.”

“This is therefore a difficult decision for everyone involved. However, representing the Philippines is not only about stepping into the ring. It is also about making responsible decisions that protect our athletes and allow them to have long, healthy careers,” matod ni Manalo.

Tungod kay wala usab ma-clear si Southeast Asian Games bronze medalist Weljon Mindoro, nga unta maoy alternate, human mapildi pinaagi sa knockout kang Mexican Carlos Ocampo sa California niadtong Agosto 30, walay boxer ang Pilipinas sa men’s 80-kilogram division.

Nag-atubang ang Philippine Olympic Committee og sanctions gikan sa Olympic Council of Asia tungod sa last-minute withdrawal sa wala pa ang draw niadtong Domingo.

Samtang, gipasalig ni Manalo nga makigduwa si Marcial sa Asian Indoor and Martial Arts Games sa Riyadh, Saudi Arabia gikan Disyembre 11 hangtod 21. -Ato ni Bai