ASIAN GAMES: Yape nakakuha sa ikaupat nga gold sa PH sa virtual taekwondo

Gihatagan ni Jeus Gabriel Derick Yape ang Pilipinas sa ikaupat nitong gold medal sa 20th Asian Games human siya manguna sa mixed individual virtual taekwondo sa Toyohashi Gymnasium sa Aichi, Japan niadtong Biyernes.

Gipildi sa 22-anyos nga si Yape si Ngoc Tuyet Sang Chau sa Vietnam, 2-0. Gipildi usab niya si Dunya Bushuaib Saber sa Saudi Arabia, 2-1 (round of 16); Hayate Suzuki sa Japan, 2-0 (quarterfinal); ug Rita Bakisheva sa Kazakhstan, 2-0 (semifinals).

Ang virtual taekwondo usa ka immersive, non-contact digital combat sport nga gihimong hiniusa sa World Taekwondo ug Refract Technologies, diin ang tinuod nga martial arts movements gihubad ngadto sa lihok sa usa ka in-game avatar.

Nakakuha usab si Yape og bronze medal sa men's individual poomsae niadtong Huwebes.

Siya ug ang fellow Asiad first-timer nga si Juliana Mykhail Candelaria, silver medalist sa women's individual poomsae, mga student-athlete sa University of Santo Tomas.

-Ato ni Bai