ASIAN GAMES: South Korean golfer Kim nakakuha og gold ug military exemption

Nakakuha si South Korean golfer Tom Kim og gold sa Asian Games ug military exemption niadtong Sabado, samtang nakakuha usab siya og team silver kauban ang iyang mga kababayan nga sila Mun Do-yeob ug Kim Seong-hyeon, sunod sa China.

Si Kim, nga upat ka beses nang nakadaog sa U.S. PGA Tour, nakatala og 64 sa final round alang sa 18-under total nga 262 aron matapos nga adunay tulo ka stroke nga labaw kang home favourite Kazuki Higa, Ding Wenyi sa China, ug Thai nga si Sadom Kaewkanjana sa Kasugai Country Club.

Tungod kay walay prizemoney nga gitanyag, kasagarang dili kaayo hatagan og pagtagad sa mga top player sa kontinente ang Asian Games, apan dako ang nakataya alang kang Kim.

Naghatag ang South Korea og military exemption sa mga atleta nga makakuha og gold sa Asian Games o bisan unsang medalya sa Olympics.

Ang mga physically fit nga South Korean men kasagarang moserbisyo og labing menos 18 ka bulan isip kabahin sa mga paningkamot sa nasod nga mapadayon ang depensa batok sa North Korea.

Si Mun, nga nakakompleto na sa iyang military service, kaniadto mipahayag nga gusto niyang tabangan si Kim nga makakuha og exemption pinaagi sa team gold.

"I want to play good, so we make our team get a gold medal ... and to make sure they don’t have to go to the military," matod ni Mun human sa opening round.

Apan si Kim mismo ang nakakuha sa gold human mabuntog ang jetlag gikan sa iyang biyahe gikan sa U.S., diin siya ang standout performer sa International team sa Presidents Cup.

Human niya maipasulod ang bola alang sa par sa final hole, gidugokan siya sa iyang mga teammate ug South Korean officials sa green ug gibuboan og tubig.

Sa sayo pa, nahimong unang individual champion sa India sa women's event si Pranavi Urs, tulo ka tuig human nawala kang compatriot Aditi Ashok ang pito ka stroke nga labaw ug napakyas sa gold tungod sa iyang dili maayong performance sa final day sa Hangzhou Asian Games.

Nakabawi si Urs gikan sa triple-bogey sa third hole ug nakatala og even-par 70 alang sa 15-under total nga 265 aron malabwan og usa ka stroke si major-winner Yin Ruoning sa China ug Shannon Tan sa Singapore.

"I was like, it’s fine," matod niya bahin sa triple-bogey.

"I remembered what Rory (McIlroy) did the first time he won the Masters. He started with a triple (bogey), I think, or a double. And I was like, if he can go and win the Masters, so can you win the Asian Games."

Tungod kay gipasalida sa India ang golf competition, nakadawat si Urs og congratulatory texts gikan sa kanhi cricket internationals ug matod niya, nanghambog ang iyang igsoon nga lalaki bahin sa pagdaog niini sa club championship sa Mysore usa ka adlaw sa wala pa kini.

"He just got his trophy yesterday ... He said ‘I’ve won, so it’s time you start winning now.'”

-Ato ni Bai