ASIAN GAMES: Saclag Nakakuha sa Unang Silver Medal sa Pilipinas

Nakahatag si Jean Claude Saclag sa unang silver medal sa Pilipinas sa 20th Asian Games human mapildi kang Otabek Rajabov sa Tajikistan, 0-3, sa mixed martial arts men’s traditional -65kg final niadtong Martes sa Nagoya City Inae Sports Center sa Japan.

“It’s a real shame. I really wanted to win gold. I expected that I could win it. I’m sad — not just because I lost, but because of my performance,” matod ni Saclag, nga miangkon nga nagdahom siya og mas maayong performance apan nalisdan sa kusog ni Rajabov sa ground fighting.

“I thought I had improved, but he was incredibly tight on the ground. I wanted to stand up to get back into the fight, but he just wouldn’t let me up,” dugang niya.

Nakadaog ang 31-anyos nga taga-Kalinga nga si Saclag pinaagi sa unanimous decision batok kang Daisuke Murayama sa Japan sa semifinals.

“Yes, well fought. Big heart. He apologized. I said, ‘That is a rare silver.’ Be proud JC,” matod ni Philippine Sports Commission chairman John Patrick Gregorio sa usa ka pahayag nga gipagawas ngadto sa media.

Samtang, nakuha ni Carlos Alvarez ang bronze medal sa men’s traditional -77kg division human sa 0-3 nga kapildihan kang Yerkingali Burkutalin sa Kazakhstan sa semifinal.

Gipildi sa 27-anyos nga si Alvarez si Ananda Wahyu Setyo Prabowo sa Indonesia, 3-0, sa quarterfinals.

Nakakuha si Saclag og silver medal sa wushu sanda -60kg division sa 2014 Asian Games sa Incheon, South Korea. Sa mao gihapong tuig, nakuha niya ang gold medal sa World Cup sa Jakarta, Indonesia.

Isip kickboxer, nakakuha siya og tulo ka gold medal sa Southeast Asian Games niadtong 2019, 2022, ug 2023.

Niadtong Mayo, nakuha ni Saclag ang gold medal sa traditional -65kg division sa 4th Asian MMA Championships sa Tashkent, Uzbekistan.

-Ato ni Bai