ASIAN GAMES: PH Karateka Adriano Nakakuha og Bronze sa Kumite -50kg

Midebut si Marie June Adriano sa 20th Asian Games uban ang bronze medal sa women’s kumite -50kg sa karate sa Toyohashi Gymnasium sa Nagoya, Japan niadtong Miyerkules.

Gipildi sa 22-anyos nga Human Kinetics student gikan sa Polytechnic University of the Philippines si Ya-chi Chung sa Chinese Taipei, 10-3.

Gipildi ni Adriano si Srey Phea Chonn sa Cambodia, 4-3, ug Yang Yewon sa South Korea, 4-0, sa wala pa siya mapildi ni Tsang Yee Ting sa Hong Kong, 4-5, sa semifinals.

Human mapildi kang Chung sa ilang duha ka nangaging panag-atubang, gihimo ni Adriano ang gikinahanglang mga kausaban aron sa kataposan mapildi niya kini.

“I placed more trust in my technique – in the skills I brought with me and what I trained for this competition,” matod ni Adriano human niya mahatagan ang nasod og ikaduhang medalya sa karate.

“It means so much to me. As a first-timer, the pressure was definitely intense. I am overjoyed to have been selected and to have won a medal for the Philippines,” matod sa taga-Llanera, Nueva Ecija.

Nakakuha usab og bronze niadtong Martes ang women’s kata team nga gilangkuban nila Rebecca Cyril Torres, Samantha Emmanuelle Veguillas, ug Ysabielle Arrogante.

-Ato ni Bai