Alex Eala Milampos Batok sa Amerikana, Misulod sa Second Round sa US Open

Misulod si Alexandra Eala sa second round sa US Open human pildihon ang American qualifier nga si Mary Stoiana, 6-1, 6-2, sa Louis Armstrong Stadium sa Flushing Meadows, New York niadtong Miyerkules sa buntag (Manila time).

Gidaog sa No. 17 seed nga Filipina ang katapusang lima ka games sa second set aron tapuson ang duwa.

Paningkamotan ni Eala nga makaabot sa second round sa Huwebes, diin iyang atubangon ang Ukrainian nga si Oleksandra Oliynykova, nga midaog batok sa American nga si Reese Brantmeier, 6-4, 6-4.

Una nga nag-atbang sila Oliynykova ug Eala sa Strasbourg niadtong Mayo 18, diin midaog ang Ukrainian, 3-6, 7-5, 6-3, sa Round of 32.

Unang miapil si Eala sa US Open niadtong 2025, diin iyang gipildi ang Danish nga si Carla Tauson, 6-3, 2-6, 7-6, sa first round sa wala pa siya mapildi sa Spanish nga si Cristina Bucsa, 4-6, 3-6.

Niadtong Agosto, midaog si Eala sa WTA 500 Mubadala DC Open. Kini ang iyang ikaduhang singles title human usab niya madaog ang Guadalajara 125 Open sa Zapopan, Mexico.

Si Eala, ang reigning Southeast Asian Games champion, moapil sa 20th Asian Games sa Aichi-Nagoya, Japan, nga ipahigayon gikan Setyembre 19 hangtod Oktubre 4. -Ato ni Bai