Aichi-Nagoya Asiad Malampuson Bisan sa mga Problema sa Pagdumala

Miingon ang Olympic Council of Asia (OCA) niadtong Domingo nga ang hapit 20% nga pagsaka sa kita, kusog nga gidaghanon sa mga nanan-aw ug daghang world records nagpamatuod nga malampuson ang Aichi-Nagoya Asian Games, bisan pa sa mga problema sa pagdumala nga nakaapekto sa maong dagkong duwa sa nagkalain-laing sports.

Misaka ngadto sa 17,000 ang gidaghanon sa mga partisipante human sa daghang ulahing pagpangapil—mga 2,000 nga labaw sa gipaabot.

Tungod kay walay kaugalingong Athletes’ Village, gipapuyo ang mga partisipante sa mga hotel, container-style nga mga puy-anan ug usa ka cruise ship.

Nangayo og pasaylo si Satoshi Murate, secretary general sa organising committee, human ang wala damhang pagsaka sa gidaghanon sa mga partisipante nakapabug-at sa mga puy-anan ug transportasyon, nga maoy hinungdan sa mga reklamo gikan sa mga atleta ug opisyal sa mga team bahin sa huot nga mga kuwarto ug gagmay nga mga higdaanan.

Apan gipunting ni OCA Director General Husain Al-Musallam ang 54 ka world records, 11 ka junior world records ug 89 ka continental records nga natala sa Games isip pamatuod sa maayong pagdumala.

“This achievement does not come without the best environment,” matod sa Kuwaiti, nga presidente usab sa World Aquatics, ngadto sa mga tigbalita atol sa press conference sa katapusang adlaw sa Games.

“The athletes cannot perform if they don’t have transportation. The athletes cannot perform if they don’t have good healthcare. The athletes cannot perform if they don’t eat food. Number talks, it’s evidence. We are here to present you the evidence.”

Midugang siya nga sa panahon nga kinahanglan mapadayon ug lig-on sa pinansyal nga bahin ang Games, ang pamaagi sa Aichi-Nagoya angayan sundon.

“We are happy to see that there is no big financial burden in the organising committee, and there is no white elephant staying in Nagoya or any place.”

Ang pagsaka sa kita, kon itandi sa Games sa Hangzhou tulo ka tuig ang milabay, nag-una gikan sa pagtubo sa digital nga bahin ug mas daghang nanan-aw, diin daghan ang mitan-aw sa telebisyon sa mga duwa sa hockey ug cricket tali sa India ug Pakistan, matod sa mga opisyal sa OCA.

Miingon usab si Al-Musallam nga nakahatag ang Games og higayon sa panaghiusa taliwala sa kagubot sa politika sa nagkalain-laing bahin sa kalibotan.

“When you look to the news, conflict everywhere - in Asia, outside Asia,” matod niya. “Economic problems everywhere. But look at Asia, how united we are in sport.”

Giila ni Tayyab Ikram, chairman sa Games Coordination Committee, ang mga problema sa pagdumala apan matod niya nabuntog nila kini pinaagi sa pagtinabangay.

“There is no Games without challenges. There is no Games without initial interruptions,” matod ni Ikram, nga nangulo usab sa International Hockey Federation.

“In future, we would like to see more sustainable solution, more improvement and innovation … but without compromising on the athletes’ conditions.” -Ato ni Bai